258

شہباز شریف کی رہائی سے سازش بے نقاب ہوگئی، احسن اقبال

Spread the love

سازش کا مقصدشہباز اور پوری اپوزیشن کو دبائو میں رکھنا تھا تاکہ وہ اپنی آواز بلند نہ کر سکیں
نواز شریف کو بھی جلد ریلیف ملے گا، ہم نے ہمیشہ عدالتی فیصلوں کا احترام کیا، نجی ٹی وی سے گفتگو


لاہور (نمائندہ خصوصی)پاکستان مسلم لیگ (ن) کے سینئر رہنما احسن اقبال نے کہا ہے کہ قومی

اسمبلی میں اپوزیشن لیڈر شہباز شریف کی رہائی سے ان کیخلاف ہونے والی سازش بے نقاب ہوگئی۔

ہفتہ کو نجی ٹی وی سے گفتگو کرتے ہوئے سابق وفاقی وزیر داخلہ اور مرکزی رہنما پاکستان مسلم

لیگ (ن)احسن اقبال نے کہا کہ اس سازش کا مقصد شہباز شریف اور پوری اپوزیشن کو دباؤ میں

رکھنا تھا تاکہ وہ اپنی آواز بلند نہ کرے سکیں۔انہوں نے کہا کہ اگرچہ ماضی میں عدالتوں نے ہمارے

خلاف فیصلے دیے لیکن وہی عدالتیں جب انہی فیصلوں کی مثالیں دیتی ہیں تو کہیں نہ کہیں انہیں

شرمندگی کا بھی سامنا کرنا پڑتا ہے، لہذا ہم سمجھتے ہیں کہ ہمیں ضرور انصاف ملے گا۔لیگی رہنما

نے کہا کہ مسلم لیگ (ن) کیخلاف جو کچھ ہوا اْس کے پیچھے کچھ سیاسی مقاصد بھی تھے ،جس کے

لیے ہماری جماعت کو مسلسل نشانہ بنایا گیا۔انہوں نے کہا کہ شہباز شریف کی ضمانت منظور ہونے

اور ان کی رہائی سے یہ بات ثابت ہوگئی کہ ان کیخلاف یہ کیس بالکل بے بنیاد تھا۔احسن اقبال کا کہنا

تھا کہ انہیں امید ہے کہ سابق وزیراعظم نواز شریف کو بھی جلد ریلیف ملے گا۔انہوں نے کہا کہ جو

لوگ ڈیل یا ڈھیل کی باتیں کررہے تھے انہیں علم تھا کہ نواز شریف اور ان کے بھائی شہباز شریف

کیخلاف کیسز انتہائی کمزور ہیں اور ایسے بیانات کا مقصد ہی صرف یہ تھا کہ کسی نہ کسی طرح

عدالتوں پر دباؤ ڈال کر ہمارے خلاف فیصلے کروائے جائیں۔ لیگی رہنما کا کہنا تھا پہلے دن سے ان

کی جماعت کا ایک ہی بیانیہ رہا ہے اور ہم نے عدالت کے ہر فیصلے کا احترام میں کیا اور آئندہ بھی

کرتے رہیں گے۔

اپنا تبصرہ بھیجیں