آج کا دن 48

آج کا دن کیسا رہے گا

Spread the love

آج کا دن کیسا

حمل
صورت حال میں کوئی خاص تبدیلی رونما نہیں ہوئی۔ ایسا محسوس ہو رہا ہے جیسے مسلسل کسی بند گلی میں کھڑے ہوں۔ جہاں سے باہر نکلنے کا راستہ دکھائی نہ دے رہا ہو۔ ان حالات میں صرف استخارے کی مدد سے چلیں اس کے بغیر قدم اٹھائیں گے تو بڑے نقصان کا خطرہ ہے۔ آپ کو روزانہ حسب توفیق صدقہ بھی دیتے رہنے کا مشورہ ہے۔ نظر بھی اتاریں اور چند دن مکمل خاموشی سے گزاریں۔
ثور
جس کام میں بھی ہاتھ ڈالتے ہیں، اس میں ناکامی ملتی ہے، نحوست کے اثرات بھی واضح محسوس ہو رہے ہیں اور کسی چیز کے زیر اثر بھی آئے ہوئے ہیں۔ ان حالات میں سب سے پہلے تو ان معاملات سے باہر نکلنا ضروری ہے، یہ ٹھیک ہوں گے تو سب کچھ خودبخود ٹھیک ہو جائے گا۔ آپ ایک ہزار مرتبہ اﷲ اور ایک ہزار مرتبہ ہی یا حی یا قیوم کا ورد کریں اور نماز کی پابندی بھی ضروری ہے۔ سچی توبہ کریں ان شاء اﷲ راستے کھل جائیں گے۔
جوزہ
زحل کی رجعت نے تنگ کر کے رکھا ہوا ہے، کوئی کام بھی اپنے انجام تک نہیں پہنچ رہا۔ مالی حالات بھی خراب ہیں۔ اپنوں اور غیروں کے ساتھ بھی جنگ جیسا ماحول بنا ہوا ہے اور مخالفین کی طرف سے مسلسل بد نظری کا شکار بھی ہیں، ان حالات میں آپ صرف (منزل) 11 بار روزانہ پڑھیں برے کام سے دور رہیں اور نماز پر توجہ کے ساتھ ساتھ رجوع الٰہی کریں۔ توبہ بہترین حل ہے۔
سرطان
آپ پریشان نہ ہوں رزق کا وعدہ میرے اﷲ نے اپنے ذمے لیا ہوا ہے اور وہ اپنا وعدہ پورا کرنا جانتا ہے، پھر پریشانی کیسی، آپ فکر مند نہ ہوں ان شاء اﷲ پردۂ غیب سے سلسلہ بنتا چلا جائے گا، مگر اس میں تھوڑا سا وقت لگ سکتا ہے، انتظار کرنا ہوگا۔ فی الحال جو مل رہا ہے اس کو جاری رکھیں اور حقوق العباد کے حوالے سے اپنے معاملات بھی ضرور ٹھیک کریں۔ بار بار اس حوالے سے وارننگ ہے۔
اسد
ان دنوں ستاروں کا بادشاہ مشتری آپ کے زائچے میں پوری طاقت سے کام کر رہا ہے ،اگر آپ کو اب بھی اپنے ہر معاملے میں فائدہ حاصل نہیں ہو رہا تو پھر سمجھ لیں کہ ضرور آپ سے کوئی ایسی ذاتی غلطی ہوئی ہے جو وجہء پریشانی اور رکاوٹ بنی ہوئی ہے، جب اس کو دور کریں گے تو پھر ہر طرف سے فائدہ ہی حاصل ہوگا۔ استخارے سے مدد لیں، رات سونے سے پہلے باوضو ہو کر اول و آخر درود شریف اور سات بار سورہ فاتحہ پڑھیں پھر سو جائیں، یہ استخارہ ہے۔
سنبلہ
صورت حال زائچے کے حوالے سے تو بڑی شاندار ہے، ان شاء اﷲ جس کام میں بھی ہاتھ ڈالیں گے وہ ہوتا چلا جائے گا اور مالی معاملات تیزی سے بہتر ہو کر آپ کو مشکلات سے نجات دلائیں گے۔ خواہشمند افراد کے رشتے کی بات طے ہو سکتی ہے اور وہ بھی من پسند جگہ۔ اسی طرح نوکری کی تلاش کرنے والوں کے لئے بھی یہ ہفتہ بحکم اﷲ خوشی کا پیغام لے کر آ رہا ہے۔ عرصہء دراز کے بعد آپ کی زندگی میں اچھا وقت شروع ہوا ہے۔
میزان
ابھی تک آپ نے اپنے پرانے معاملات کو نہیں چھوڑا اور مسلسل اپنے دل کا کہنا مان کر چل رہے ہیں۔ جس کی وجہ سے آگے بڑھنے میں سخت رکاوٹ محسوس ہو رہی ہے۔ فوری طور پر اپنے پرانے معاملات ٹھیک کریں۔ عشق و محبت سے دور رہیں، موبائل پر شرارتیں مت کریں اور اپنے اندر کے ایک اچھے انسان کو باہر نکالیں تو سمجھ لیں کہ پھر زمانہ آپ کا ہے اور ہر کام بحکم اﷲ سوچ کے مطابق ہوگا، کامیابیاں ملیں گی۔
عقرب
روزگار میں جو بھی رکاوٹیں اور پریشانیاں چل رہی تھیں، اب ان کے ختم ہونے کا وقت ہے۔ ان شاء اﷲ شروع کے دنوں میں ہی آپ کو اچھی خبریں ملنا شروع ہو جائیں گی، اور جن کاموں میں مشکلات تھیں، وہ غیبی انداز سے حل ہوں گی آپ کی زیادہ توجہ اپنے روزگار پر ہونی چاہئے۔ اس میں ہی آپ کا سب سے بڑا فائدہ ہے اور قرض وغیرہ کے حوالے سے بھی ان شاء اﷲ نجات ملنے کا وقت قریب آ گیا ہے۔
قوس
مشتری اور عطار دان دنوں آپ کے زائچے میں آکر بیٹھے ہوئے ہیں، آپ جن کاموں میں بھی ہاتھ ڈالیں گے، ان شاء اﷲ اس میں کامیابی ملے گی۔ عزت، دولت، شہرت جیسے معاملات کے حصول میں آسانیاں، برکتیں اور رحمتیں نازل ہوں گی اور جو چیز عرصہء دراز سے تلاش کر رہے تھے۔ وہ مل جائے گی۔ خاص طور پر خواہشمند افراد کا من پسند جگہ رشتہ طے ہونے کی امید ہے۔ آپ کو اب پرائز بانڈ کی خریداری بھی کرنا ہو گی۔
جدی
صرف اپنے دل کے معاملات ٹھیک کر لیں، اس کو قابو میں رکھیں اﷲ نے چاہا تو ہر چیز خودبخود ٹھیک ہو جائے گی۔ آپ ہیں کہ اپنے آپ میں مگن ہیں، کسی کی بات سمجھ میں ہی نہیں آتی اور جو بھی ہوتا رہے اس کی پرواہ ہی نہیں کرتے حالانکہ سب اپنوں کو آپ کی ضرورت ہے۔ آپ اپنا بہت سارا اچھا وقت ضائع کر رہے ہیں، خدا کے لئے واپسی کا راستہ اختیار کریں اور پرانے سلسلے ختم کر کے دوبارہ سے نئی زندگی کی پلاننگ کر کے اس کو شروع کریں۔
دلو
اپنے آپ پر ظلم نہ کریں، اچھے بھلے چلتے ہوئے اپنا راستہ بدل لیتے ہیں جس کی وجہ سے نقصان ہوتا ہے۔ اب بھی وقت ہے غور و فکر کریں۔ استخارے سے مدد لیں پھر واپسی کے متعلق ضرور سوچیں۔ اﷲ پاک ان شاء اﷲ ضرور آپ کی رہنمائی کریں گے یہ ہفتہ بہترین ثابت ہو گا۔ من پسند کام ہوں گے، مالی فائدے حاصل ہوں گے۔ کاروباری حضرات عرصہء دراز کے بعد اب اپنے کام میں مزے لیں گے، بڑی رقم ہاتھ لگے گی۔
حوت
یاری دوستی سے جس قدر بھی دور رہ سکتے ہیں رہیں اس میں ماسوائے آپ کی عزت خراب ہونے کے اور کچھ نہیں ہے۔ عزت کو نقصان دینے والا عقرب ستارہ ان دنوں آپ کے زائچے میں ہے۔ اب آپ نے کیا کرنا ہے، یہ خود فیصلہ کریں۔ تعلیمی حوالے سے اچھی خبریں ہیں۔ بندش وغیرہ کے خاتمے کی بھی اہم خبر ہے اور جو لوگ نئے کام کی ابتدا چاہتے ہیں، وہ بھی اب آسانیاں محسوس کریں گے۔ بڑی رقم کا حصول بھی ممکن نظر آتا ہے۔

آج کا دن کیسا

آج کا دن کیسا

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں