48

بیٹی کی موت کا صدمہ، اداکار طلعت اقبال امریکہ میں انتقال کر گئے

Spread the love

بیٹی کی موت صدمہ

لاہور (صرف اردو آن لائن نیوز) ماضی کے سینئر اداکار طلعت اقبال مختصر علالت کے بعد

امریکا میں انتقال کر گئے، اہلِ خانہ نے اداکار طلعت اقبال کے انتقال کی تصدیق کی ہے۔اداکار طلعت

اقبال عرصہ دراز سے امریکا کی ریاست ٹیکساس کے شہر ڈیلس میں اپنے اہلِ خانہ کے ہمراہ مقیم

تھے، وہ 2 ہفتوں سے اسپتال میں زیرِ علاج اور مصنوعی تنفص پر تھے۔کچھ روز قبل طلعت اقبال کو

جواں سالہ بیٹی سارہ کے حرکت قلب بند ہوجانے سے انتقال کر جانے کے بعد شدید صدمہ لاحق ہوا

اور ان کو ملٹی پل ہارٹ اٹیک ہوئے۔ہارٹ اٹیک کے بعد انہیں ابتدائی طبی امداد کے لیے تشویش ناک

حالت میں مقامی اسپتال میں داخل کیا گیا تھا۔اسپتال میں ڈاکٹروں کی جانب سے مصنوعی تنفس کے

ذریعے اداکار طلعت اقبال کی جان بچانے کی کوششیں جاری تھیں، تاہم وہ جانبر نہ ہو سکے اور بے

ہوشی کے دوران ہی انتقال کر گئے۔اداکار طلعت اقبال نے 70ء اور 80ء کی دہائی میں کئی ڈراموں

میں مرکزی کردار ادا کیئے، جبکہ انہوں نے کئی فلموں میں بھی اپنی اداکاری کے جوہر دکھائے۔

مرحوم طلعت اقبال کی نمازِ جنازہ ڈیلس میں واقع مسجد الرحمٰن اسلامک ایسوسی ایشن آف کیرولٹن

(IAC) میں ادا کی گئی جس کے بعد انہیں ریسٹ لینڈ قبرستان میں سپردِ خاک کیاگیا۔مرحوم اداکار

طلعت اقبال کے انتقال پر پاکستانی کمیونٹی سوگوار ہے۔

بیٹی کی موت صدمہ

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں