پی آئی اے کابل 30

طالبان حکومت کے قیام کے بعد پی آئی اے کی پہلی پرواز کابل پہنچ گئی

Spread the love

پہلی پرواز کابل پہنچ

کابل (صرف اردو آن لائن نیوز) افغانستان میں نئی حکومت کے بعد پی آئی اے کی پہلی پرواز کابل پہنچ گئی، سی ای او پی آئی اے ارشد ملک نے کہا کہ پرواز کا مقصد پاکستان اور افغانستان میں خیر سگالی کو فروغ دینا ہے۔

تفصیلات کے مطابق افغانستان میں نئی حکومت کے قیام کے بعد قومی ایئرلائن پی آئی اے کی پہلی پرواز کابل پہنچ گئی ، پرواز پی کے6249 کابل مقامی وقت کے مطابق 9:45پر پہنچی۔ اس سلسلے میں کابل ائیرپورٹ کیلئے افغان سول ایوایشن اور مقامی پی آئی اے عملے کے خصوصی انتظامات کئے گئے ،

افغانستان میں پاکستان کے سفیر منصور احمد ودیگر سفارتی عملے نے بھی کاوشیں کیں۔ تربیت یافتہ ائیرپورٹ عملے نے ڈیوٹی جوائن کرکے پروازہینڈل کی جبلہ کابل ائیرپورٹ پر پی آئی اے کا نام اور پرواز نمبر آویزاں کیا گیا۔

اس موقع پر سی ای او پی آئی اے ارشد ملک نے کہا کہ پرواز کا مقصد پاکستان اور افغانستان میں خیر سگالی کو فروغ دینا اور انسانی ہمدردی کی بنیادوں پر آپریشن کو مضبوط کرنا ہے۔

ارشد ملک کا کہنا تھا کہ پی آئی اے اور پوری دنیا کیلئے یہ آپریشن بہت اہم ہے ، امید ہے جلد مکمل طور پر آپریشن بحال کرنے میں کامیاب ہوں گے۔


ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں