shah corona 45

ہم پر انگلی اٹھانے والا امریکا کہہ رہا کہ پاکستان ہمارا مدد گار ہے، شاہ محمود قریشی

Spread the love

پاکستان ہمارا مدد گار ہے

اسلام آباد(صرف اردو آن لائن نیوز) وزیر خارجہ شاہ محمود قریشی نے کہا ہے کہ ہم اکیلے افغانستان کے ٹھیکیدار نہیںہیں ،ہم پر انگلی اٹھانے والا امریکا آج کہہ رہا ہے کہ پاکستان ہمارا مددگار اور تعمیری شراکت دار ہے۔

افغانستان کی صورتحال سنگین ہو رہی ہے جو اس کو ذمہ دار پاکستان کو نہیں ٹھہرانا چا ہتے جمعہ کوسینیٹر شیری رحمان کی زیر صدارت سینیٹ کی قائمہ کمیٹی برائے امور خارجہ کا اجلاس ہوا جس میںپاکستان پیپلز پارٹی کی رہنما شیری رحمان نے اظہار خیال کرتے ہوئے کہا کہ پاکستان کو بڑے خطرات لاحق ہیں، افغانستان کے مسئلے پر سب کو تشویش ہے۔

وزیر خارجہ شاہ محمود قریشی کا کہنا تھا کہ سیاسی رہنماؤں کی رائے تھی کہ افغان صورتحال پر سکیورٹی ادارے اعتماد میں لیں، قومی سلامتی کمیٹی اجلاس میں آرمی چیف اور ڈی جی آئی ایس آئی نے بریفنگ دی، آرمی چیف اور ڈی جی آئی ایس آئی نے کمیٹی اجلاس میں سوالوں کے جواب بھی دیے، عید سے قبل قومی سلامتی کمیٹی کی ایک نشست اور کریں گے۔شاہ محمود قریشی کا کہنا تھا تاثر دیا جاتا ہے کہ پاکستان دنیا میں تنہا ہے جوکہ درست نہیں ہے،

ترجمان امریکی وزارت خارجہ نے کہا کہ پاکستان ہمارا مددگار اور تعمیری شراکت دار ہے، یہ امریکا کہہ رہا ہے جو ہم پر انگلی اٹھاتا تھا، ہم اکیلے افغانستان کے ٹھیکیدار نہیںہیں ، آج افغانستان میں ہماری منزل ایک ہے یعنی افغانستان کا امن و استحکام، انہوں نے کہا کہ پاکستان سے شراکت داری صرف افغانستان تک محدود نہیں، یہ تعلقات افغانستان سے آگے جائیں گے۔

انہوں نے کمیٹی اجلاس میں بتایا کہ امریکا کہتا ہے انخلا 31 اگست تک مکمل ہو جائے گا، ایک دلچسپ تبدیلی دیکھ رہا ہوں، بین الاقوامی کردار اس بات پر قائل ہو چکے ہیں کہ افغانستان کا فوجی حل نہیں، یہی عمران خان نے کہا تو انہیں طالبان خان کہا گیا،

آج دنیا بھی اس نتیجے پر پہنچی ہے کہ واحد حل امن اور مفاہمت ہے۔ان کا کہنا تھا دنیا کی تازہ سوچ ہے کہ امریکا کا مشن مکمل ہو گیا، افغانستان سے انخلا کے فیصلے پر سیاسی اتفاق رائے ہے، امریکا کہتا ہے کہ محفوظ انخلا ہماری ترجیح ہے،

امریکا کہتا ہے کہ ہم نے اپنا مقصد حاصل کرلیا اور صدر جوبائیڈن کے مطابق یہ مقصد ان دہشتگردوں کو نشانہ بنانا تھا جنہوں نے نائن الیون کیا۔وزیر خارجہ نے کہا امریکا کہتا تھا ہمارا مقصد تنظیموں کو کمزور کرنا ہے تاکہ وہ امریکا کو نشانہ نا بنا سکیں،

وہ کہتے ہیں کہ دہشت گرد تنظیموں کو کمزور کر دیا ہے، امریکا کہتا ہے کہ افغانستان میں نیشن بلڈنگ یا جمہوریت کا جھنڈا گاڑنے نہیں گئے تھے۔انہوں نے کہا کہ افغانستان کے مستقبل کا فیصلہ افغانوں نے کرنا ہے افغانستان کی صورتحال سنگین ہو رہی ہے

جو اس کو ذمہ دار پاکستان کو نہیں ٹھہرانا چا ہتے ، امریکا کہتا ہے افغانستان میں سکیورٹی معاونت جاری رکھیں گے اور افغان ائیر فورس کی سکیورٹی یقینی بنائیں گے۔

پاکستان ہمارا مدد گار ہے

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں