34

ملک میں ادارے یرغمال اور عوام سفاک کارٹیلز کے رحم و کرم پر ہیں، بلاول بھٹو

Spread the love

کراچی(صرف اردو آن لائن نیوز) پاکستان پیپلز پارٹی کے چیئرمین بلاول بھٹو زرداری نے کہا ہے کہ

پاکستان میں گورننس ڈی ریل، ادارے یرغمال اور عوام سفاک کارٹیلز کے رحم و کرم پر ہیں،بے نظیر بھٹو نے آئین و پارلیمان کی بالادستی کے لیے ہم آہنگی پیدا کی، عوام دشمن قوتوں کی جانب سے بے

نظیر بھٹو پر کیئے جانے والے مظالم پر انسانیت ہمیشہ شرمندہ رہے گی،بینظیر بھٹو کی طویل جدوجہد، عظیم قربانی اور انسان دوست فلسفہ لازوال ہیں۔ پیر کو بے نظیر بھٹو کے یومِ پیدائش کی مناسبت سے

اپنے پیغام میں بلاول بھٹو زرداری نے کہا کہ ایک منتخب وزیراعظم کی حیثیت سے بے نظیر بھٹو نے آئین و پارلیمان کی بالادستی کے لیے ہم آہنگی پیدا کی، عوام دوست طرز حکمرانی کے لیے ادارے قائم

کیئے، اور تعلیم، صحت و روزگار کے مواقع جیسی بنیادی حقوق تک پسماندہ طبقات کی رسائی کو یقینی بنایا۔ بے نظیر بھٹو نے حکومت میں ہوں یا اپوزیشن میں، انہوں نے عوام کو ہمیشہ سب سے بڑھ

کر امید دی۔ عوام دشمن قوتوں کی جانب سے بے نظیر بھٹو پر کیئے جانے والے مظالم پر انسانیت ہمیشہ شرمندہ رہے گی۔ چیئرمین پیپلز پارٹی نے کہا کہ بے نظیر بھٹو ایک تحریک کا نام ہے اور

عوامی تحریکیں تاریخ کی مائیں ہوتی ہیں، نئے ادوار کو جنم دیتی ہیں،سال گذریں یا صدیاں، بینظیر بھٹو کی طویل جدوجہد، عظیم قربانی اور انسان دوست فلسفہ لازوال ہیں، بے نظیر بھٹو کی جدوجہد،

قربانی اور فلسفے کی بدولت پاکستانی عوام کی حتمی فتح اب قریب ہے۔ بلاول بھٹو زرداری نے کہا کہ آج پاکستان میں گورننس ڈی ریل، ادارے یرغمال اور عوام سفاک کارٹیلز کے رحم و کرم پر ہیں، ایسے

بدترین حالات میں ہر محبِ وطن پاکستانی کا دخترِ مشرق کے عوام دوست ویژن کی کمی کو محسوس

کرنا فطری ردعمل ہے۔

ملک میں ادارے یرغمال

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں