19

حکومت کا ایک ارب ڈالر کی کورونا ویکسین خریدنے کا فیصلہ

Spread the love

ویکسین خریدنے کا فیصلہ

اسلام آباد(صرف اردو آن لائن نیوز) اقتصادی رابطہ کمیٹی نے ایک ارب ڈالر کی4 مختلف اقسام کی

ویکسین کی خریداری کی منظوری دے دی۔بدھ کووزیر خزانہ شوکت ترین کی زیر صدارت کابینہ کی

اقتصادی رابطہ کمیٹی کا اجلاس ہوا، اجلاس میں 20نکاتی ایجنڈے کا جائزہ لیا گیا، کابینہ نے ملک بھر

میں 70 لاکھ افراد کو ویکسین لگانے کیلئے ایک ارب ڈالر کی ویکسین خریداری کی منظوری دے

دی، ویکسین کی خریداری کیلئے پہلے مرحلے میں 18کروڑ ڈالر کی منظوری دی گئی ہے، 18کروڑ

ڈالر کی رقم این ڈی ایم اے کو ویکسین کی خریداری کیلئے دی جائے گی، منظوری کے تحت ایک

ارب ڈالر کی کین سائنو، سائنو فارم، سائنو ویک اور فائزر ویکسین خریدی جائے گی۔کابینہ نے کم

ترقی یافتہ علاقوں کے طلبا کی فیس ادائیگی کیلئے گرانٹ، احساس کوئی بھوکا نہ سوئے فنڈ کے قیام،

کنٹرولر جنرل آف پاکستان کیلئے 1 ارب 16 کروڑ روپے کی تکنیکی سپلیمنٹری گرانٹ، وزارت تعلیم

کیلئے 37 کروڑ 80 لاکھ روپے کی تکنیکی ضمنی گرانٹ، آڈیٹر جنرل آف پاکستان کیلئے 33 کروڑ

روپے کی تکنیکی سپلیمنٹری گرانٹ، کنٹرولر جنرل آف پاکستان کے وفات پا جانے والے ملازمین کی

فیملیز کو وزیراعظم کے امدادی پیکج کیلئے 35 کروڑ کی منظوری دے دی۔اجلاس میں ترسیلات زر

کے حوالے سے نئی اسکیم کی مارکیٹنگ کیمپین کیلئے 74 کروڑ روپے سے زائد کی گرانٹ کی

منظوری دی گئی، اجلاس میں سپریم کورٹ کے ججز کی سرکاری رہائش گاہوں کی تعمیر و مرمت

کیلئے فنڈز اور وزارت انسانی حقوق کیلئے 2 کروڑ 21 لاکھ روپے سے زائد کی گرانٹ بھی منظور

کی گئی، جبکہ اسپیشل کمیونیکیشن آرگنائزیشن کے اضافی فنڈز کیلئے وزارت آئی ٹی کی سمری

منظور کرلئے، اس کے علاوہ انٹیلی جنس بیورو کیلئے تکنیکی سپلیمنٹری گرانٹ کی منظوری بھی

دی گئی ہے۔

ویکسین خریدنے کا فیصلہ

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں