فرانس کے صدرایمانوئیل میکرون کو تھپڑ پڑگیا 23

فرانس کے صدرایمانوئیل میکرون کو تھپڑ پڑگیا

Spread the love

فرانس صدر کو تھپڑ

فرانس (صرف اردو آن لائن نیوز) فرانس کے صدر ایمانوئیل میکرون کو ملک کے جنوبی حصے میں

دورے کے دوران ہجوم میں شامل ایک شخص نے تھپڑ مار دیا۔برطانوی خبررساں ادارے کی رپورٹ

کے مطابق سوشل میڈیا پر وائرل ہونے والے واقعہ کی ویڈیو میں ایک شخص کو عوامی دورے کے

دوران ایمانوئیل میکرون کو تھپڑ مارتے ہوئے دیکھا جاسکتا ہے۔رپورٹ کے مطابق فرانسیسی صدر

کی سیکیورٹی نے فوری طور پر مداخلت کی اور مذکورہ شخص کو ایمانوئیل میکرون سے دور کردیا۔

واقعے میں ملوث 2 افراد کو گرفتار کرلیا گیا ہے۔فرانس کے وزیراعظم جین کاسٹیکس نے واقعے کو

جمہوریت کی توہین قرار دیا۔یہ واقعہ اس وقت پیش آیا جب ایمانوئیل میکرون فرانس کے جنوب-

مشرقی علاقے ڈروم کے دورے پر تھے، جہاں انہوں نے ریسٹورنٹ مالکان اور طلبہ سے بات چیت

کی تھی کہ کورونا وائرس کے بعد اب زندگی معمول کی جانب کیسے لوٹ رہی ہے۔سوشل میڈیا پر

گردش کرنے والی ویڈیو میں سفید شرٹ میں ملبوس ایمانوئیل میکرون کو دھاتی رکاوٹوں کے پیچھے

کھڑے ہجوم کی جانب پیدل جاتے ہوئے دیکھا جاسکتا ہے۔ویڈیو میں دیکھا جاسکتا ہے کہ فرانسیسی

صدر نے ایک شخص سے مصافحے کے لیے ہاتھ بڑھایا جس نے سبز رنگ کی شرٹ پہنی ہوئی تھی

اور ساتھ میں گلاسز اور فیس ماسک پہنا ہوا تھا۔مذکورہ شخص کو ویڈیو میں ‘میکرون کے اقدامات

نامنظور’ کہتے ہوئے سنا جاسکتا ہے جس کے بعد اس شخص نے فرانسیسی صدر ایمانوئیل میکرون

کے چہرے پر تھپڑ مار دیا۔جس پر ایمانوئیل میکرون کے سیکیورٹی اہلکاروں نے سبز شرٹ میں

ملبوس شخص کو گھیر لیا جبکہ دیگر ایمانوئیل میکرون کے ساتھ گئے۔تاہم واقعے کے چند سیکنڈز بعد

فرانسیسی صدر ایمانوئیل میکرون جائے وقوع پر عوام کے ہجوم کے سامنے پھر سے موجود تھے

اور رکاوٹوں کے پار بظاہر کسی سے بات چیت کرتے نظر آئے۔فرانس کی صدارتی انتظامیہ نے کہا

کہ ایمانوئیل میکرون پر حملہ کرنے کی کوشش کی گئی ہے لیکن انہوں نے اس معاملے پر مزید

تبصرہ کرنے سے انکار کردیا۔جس شخص نے ایمانوئیل میکرون کو تھپڑ مارا اس کی شناخت معلوم

نہیں ہوسکی اور اس کے مقاصد غیر واضح ہیں۔

فرانس صدر کو تھپڑ

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں