28

بابراعظم ٹی ٹوئنٹی میں بھی دوسرے نمبر پر آگئے

Spread the love

بابراعظم ٹی ٹوئنٹی

دبئی(صرف اردو آن لائن نیوز) قومی ٹیم کے کپتان بابر اعظم ون ڈے میں نمبر ون پوزیشن کے بعد

ٹی ٹوئنٹی میں بھی دوسرے نمبر پر آگئے، انگلینڈ کے ڈیوڈ میلان پہلی پوزیشن پر براجمان ہیں،

بابراعظم اور ڈیوڈ میلان کے درمیان 48پوائنٹس کا فرق رہ گیا ہے۔تفصیلات کے مطابق آئی سی سی

نے ٹی ٹوئنٹی کی نئی رینکنگ جاری کردی ہے، تازہ ترین رینکنگ میں پاکستانی کرکٹ ٹیم کے کپتان

بابراعظم ٹی ٹوئنٹی کے بلے بازوں کی فہرست میں ایک درجہ ترقی کے بعد دوسرے نمبر پر آگئے

ہیں، انٹرنیشنل کرکٹ کی جانب سے بابراعظم کو یہ صلہ جنوبی افریقا کے خلاف ٹی ٹوئنٹی سیریز

میں سب سے زیادہ 210رنز بنانے پر دیا گیا۔آئی سی سی کی ٹوئنٹی رینکنگ میں انگلینڈ کے ڈیوڈ

میلان پہلی پوزیشن پر براجمان ہیں، بابراعظم اور ڈیوڈ میلان کے درمیان نمبر ون رینکنگ میں

48پوائنٹس کا فرق رہ گیا ہے۔گذشتہ ہفتے بھی پاکستان کرکٹ ٹیم کے کپتان اور مایہ ناز بلے باز

بابراعظم نے ایک اور تاریخ رقم کرتے ہوئے بابراعظم نے بھارتی کپتان ویرات کوہلی سے نمبر ون

کی پوزیشن چھینتے ہوئے آئی سی سی کی ون ڈے رینکنگ میں پہلے نمبر پر براجمان ہوئے تھے۔

اسی اعزاز کے ساتھ پاکستان کرکٹ نے اٹھارہ سال بعد تاریخ رقم کی تھی، اس سے قبل سال دو ہزار

تین میں محمد یوسف ون ڈے رینکنگ میں نمبر ون پوزیشن پر رہنے والے آخری قومی کھلاڑی تھے،

اس کے ساتھ ہی بابر اعظم یہ اعزاز حاصل کرنے والے چوتھے پاکستانی بیٹسمین بنے، اس سے قبل

ظہیر عباس،جاوید میانداد اور محمدیوسف بھی آئی سی سی ون ڈے رینکنگ میں نمبر ون پر رہ چکے

ہیں۔

بابراعظم ٹی ٹوئنٹی

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں