28

پی ایس ایل 6 ،قلندرز نے گلیڈی ایٹرز کو 9 وکٹوں سے شکست دے دی

Spread the love

قلندرز گلیڈی ایٹرز شکست

کراچی(صرف اردو آن لائن نیوز) پاکستان سپرلیگ (پی ایس ایل) 6 کے چوتھے

میچ میں لاہور قلندرز نے کوئٹہ گلیڈی ایٹرز کو 9 وکٹوں سے باآسانی شکست دے

دی۔کراچی کے نیشنل اسٹیڈیم میں کھیلے گئے میچ میں لاہور قلندرز کے کپتان

سہیل اختر نے ٹاس جیت کر پہلے فیلڈنگ کا فیصلہ کیا۔کوئٹہ گلیڈی ایٹرز نے

مقررہ 20 اوورز میں 6 وکٹوں کے نقصان پر 178 رنز بنائے اور قلندرز نے

179 رنز کا ہدف 19 ویں اوور میں 9 وکٹوں کے نقصان پر پورا کرلیا۔کوئٹہ کی

اننگز کا آغاز اچھا نہ رہا اور اس کے اوپنر ٹام بینٹن دوسرے ہی اوور میں 4 رنز

بنا کر آؤٹ ہوگئے۔ان کے بعد دوسرے اوپنر صائم ایوب بھی اگلے ہی اوور میں 3

رنز بنا کر آؤٹ ہوگئے۔2 وکٹیں گرنے کے بعد کپتان سرفراز اور کرس گیل نے

ذمہ داری سے بیٹنگ کی اور ٹیم کو مستحکم پوزیشن فراہم کردی۔سرفراز احمد

14 ویں اوور میں 113 کے مجموعی اسکور پر 40رنز بناکر آؤٹ ہوئے، جب کہ

کرس گیل 68 رنز بنا کر راشد خان کی گیند پر بولڈ ہوگئے۔ان کے بعد کوئٹہ کے

آؤٹ ہونے والے کھلاڑی اعظم خان اور بین کٹنگ تھے جنہوں نے بالترتیب 13

اور 5 رنز بنائے جب کہ محمد نواز نے 3 چھکوں کی مدد سے 33 رنز کی شاندار

اننگز کھیلی اور ناٹ آؤٹ رہے۔لاہور قلندرز کی جانب سے حارث روؤف نے 3

جب کہ شاہن آفریدی، راشد خان اور احمد دانیال نے ایک ، ایک وکٹ حاصل کی۔

قلندرز گلیڈی ایٹرز شکست

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں