ٹائم میگزین نیکسٹ لسٹ 29

ٹائم میگزین کی 100 نیکسٹ لسٹ میں 2 پاکستانی نژاد بھی شامل

Spread the love

واشنگٹن (صرف اردو آن لائن نیوز) ٹائم میگزین نیکسٹ لسٹ

شہرہ آفاق امریکی جریدے ٹائم میگزین کی سالانہ 100 نیکسٹ لسٹ کو جاری

کردیا گیا جس میں دو پاکستانی نژاد افراد بھی شامل ہیں۔ٹائم میگزین ہر سال 100

بااثر شخصیات کی فہرست شامل کرنے سمیت پرسن آف دی ایئر اور ‘کڈ آف دی

ایئر’ سمیت دیگر طرح کی فہرستیں جاری کرتا ہے۔ٹائم میگزین نے 100 نیکسٹ

لسٹ کا آغاز 2020 میں کیا تھا اور اس سال میگزین نے اس سلسلے کی دوسری

فہرست جاری کی ہے جس میں دنیا بھر کی 100 بہترین شخصیات کو شامل کیا

گیا ۔100 نیکسٹ لسٹ میں مجموعی طور پر 5 کیٹیگریز میں دنیا کی 100 بہترین

شخصیات کو شامل کیا گیا ہے۔میگزین نے آرٹسٹس، فینومس، لیڈرز، ایڈوکیٹس اور

انوویٹرز’ کی فہرست میں دنیا کے تمام خطوں کے 100 بہترین افراد کو شامل کیا

ہے۔فہرست میں شامل دو پاکستانی نژاد میں سے سلمان طور کو’آرٹسٹس کی

فہرست میں شامل کیا گیا ۔سلمان طور کا تعلق پنجاب کے دارالحکومت لاہور سے

ہے، تاہم وہ امریکا میں مقیم ہیں اور وہ وہاں پر اپنے آرٹ کی نمائش بھی کر

چکے ہیں۔سلمان طور پر پاکستان میں بھی اپنے فن اور آرٹ کی نمائش کر چکے

ہیں اور ان کے آرٹ کی خاص بات ایشیائی ثقافت، تاریخ اور تہذیب کو سامنے لانا

ہے۔میگزین نے ‘انوویٹرز’ کی فہرست میں ایک اور پاکستانی نڑاد خاتون لینیٰ خان

کو بھی شامل کیا ہے جو اگرچہ برطانیہ میں پیدا ہوئیں، تاہم ان کے آبائو و اجداد

اور والدین کا تعلق پاکستان سے ہے۔لینیٰ خان بھی اس وقت امریکا میں مقیم ہیں اور

وہ متعدد کتابوں کی لکھاری اور قانونی ماہر ہیں۔100 نیکسٹ لسٹ میں ٹائم

میگزین نے بھارتی نڑاد اور عرب نڑاد افراد سمیت افریقی نڑاد افراد کو بھی

فہرست میں شامل کیا ہے۔رواں سال کی فہرست میں گلوکارہ دعا لیپا، ڈوجا کیٹ

اور امریکا کے 46 ویں صدر جوبائیڈن کی تقریب حلف برادری میں نظم پڑھ کر

شہرت حاصل کرنے والی لڑکی سمیت فن لینڈ کی خاتون وزیر اعظم اور نیوزی

لینڈ کی ارکان پارلیمنٹ سمیت دیگر ممالک کے افراد کو بھی شامل کیا گیا ہے۔ٹائم

میگزین 100 نیکسٹ لسٹ کو ہر سال کی پہلی سہ ماہی میں شائع کرتا ہے جب کہ

‘100 بااثر شخصیات’ کی فہرست کو ہر سال کے وسط میں شائع کرتا ہے۔ٹائم

میگزین پرسن آف دی ایئر اور کڈ آف دی ایئر’ کی لسٹ ہر سال کے اختتام کو شائع

کرتا ہے۔

ٹائم میگزین نیکسٹ لسٹ

ڈاکٹر وحید قریشی بطور محقق

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں