corona 42

سندھ میں کورونا وائرس سے مزید 19 افراد جاں بحق

Spread the love

کراچی (صرف اردو آن لائن نیوز) سندھ میں کورونا وائرس

وزیراعلی سندھ سید مراد علی شاہ نے کہا ہے کہ سندھ میں کورونا وائرس کی نئی

لہر نے گزشتہ 24 گھنٹوں کے دوران مزید 19 جانیں لی جبکہ مجموعی تعداد

بڑھتے ہوئے 2799 تک پہنچ گئی ہے اور 12975 نمونے ٹیسٹ کرنے سے

1276 نئے کیسز سامنے آئے۔ وزیراعلی ہاس سے جاری ایک بیان میں انہوں نے

کہا کہ مزید 19 مریضوں نے اپنی جان گنوا دی جس سے ہلاکتوں کی تعداد بڑھ کر 2799 ہوگئی جو 1.8 فیصد شرح اموات ہے۔ وزیراعلی سندھ نے کہا کہ

12975 نمونے ٹیسٹ کئے گئے جن میں سے 1276 کیسز کا پتہ چلا ہے جوکہ

موجودہ تشخیصی شرح کا 10 فیصد ہے۔ انہوں نے مزید کہا کہ اب تک

1872262 ٹیسٹ کرائے گئے ہیں جن کے نتیجے میں 161028 کیسز کا پتہ چلا

ہے ان میں 90 فیصد یعنی 145143 مریض صحتیاب ہوئے ہیں جن میں گزشتہ

24 گھنٹوں کے دوران 827 مریض بھی شامل ہیں۔ وزیراعلی سندھ نے کہا کہ اس

وقت 13086 مریض زیر علاج ہیں جن میں 12537 گھروں میں، 9 آئسولیشن

مراکز اور مختلف اسپتالوں میں 544 مریض شامل ہیں۔ انہوں نے مزید کہا کہ

446 مریضوں کی حالت تشویشناک بتائی گئی ہے جن میں 48 کو وینٹی لیٹرز پر

منتقل کیا گیا ہے۔ مراد علی شاہ نے بتایا کہ 1276 نئے کیسز میں سے کراچی سے

929 کا پتہ چلا ہے ان میں سے ضلع جنوبی 333 ، ضلع شرقی 273 ، ضلع

وسطی 94 ، ضلع غربی 92 ، ضلع کورنگی 75 اور ضلع ملیر 62 شامل ہیں

جبکہ حیدرآباد 130 ، عمرکوٹ 36 ، جیکب آباد 24 ، گھوٹکی 18 ، سکھر اور

ٹنڈو الہیار 17-17 ، قمبر 15 ، لاڑکانہ اور شکار پور 12-12 ، دادو 6، شہید

بینظیرآباد5، ٹھٹہ4 ، جامشورو اور سانگھڑ 2-2، خیرپور اور بدین 1-1 کیسز ہیں۔

وزیراعلی سندھ نے صوبے کے عوام پر زور دیا کہ وہ اپنے آپ کو اور اپنے اہل

خانہ کو کورونا وائرس سے بچانے کیلئے ایس او پیز پر عمل کریں۔

سندھ میں کورونا وائرس

صدارتی امیدوار جو بائیڈن نے ٹی وی مباحثے میں ٹرمپ کو ’مسخرہ‘ کہہ دیا

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں