وینا ملک اغوا دھمکی 42

وینا ملک کی آڈیو وائرل ہوگئی

Spread the love

دبئی (صرف اردو آن لائن نیوز) وینا ملک آڈیو وائرل

اداکارہ وینا ملک کے سابقہ شوہر اسد خٹک نے ان کی مبینہ آڈیو کال سوشل میڈیا

پر شیئر کی ہے جس میں اداکارہ سنگین دھمکیاں اور گالیاں دے رہی ہیں۔اداکارہ

وینا ملک اور ان کے سابقہ شوہر اسد خٹک کے درمیان بچوں سے ملاقات کے

حوالے سے لفظی جنگ چل رہی ہے اور گزشتہ دنوں بھی اسد خٹک نے اپنی

ٹوئٹس میں اداکارہ پر الزامات لگائے تھے۔اب اسد خٹک نے اداکارہ وینا ملک کی

مبینہ آڈیو کال کی ریکارڈنگ ٹوئٹ کی ہے جس میں وہ سنگین نوعیت کی دھمکیوں

کے ساتھ ساتھ مغلظات بھی دے رہی ہیں۔مبینہ آڈیو ریکارڈنگ میں اداکارہ

دھمکاتے ہوئے کہتی ہیں کہ ‘دبئی کورٹ کی تم کیا بات کررہے ہو؟ تیری چار

بہنیں اور ایک ماں ادھر نہیں رہ رہیں تو دیکھ میں کیا کرتی ہوں۔اس کے بعد مبینہ

ریکارڈنگ میں گالیوں کے ساتھ کہا جاتا ہے کہ میں کسی سے ملنے نہیں دوں گی،

تمہیں کس نے کہا تمہاری بیوی ہوں، ہماری طلاق کو ڈیڑھ سال ہوگیا ہے۔اس کے

علاوہ اسد خٹک نے وینا ملک پر دونوں بچوں کو غیر قانونی طریقے سے دبئی

سے پاکستان منتقل کرنے کا الزام بھی عائد کیا ہے اور سابق اہلیہ کو 50 کروڑ

روپے ہرجانے کا نوٹس بھیجا ہے۔اسد خٹک نے اپنے وڈیو بیان میں الزام لگایا کہ

ان کے امریکی شہریت رکھنے والے دونوں بچوں کو دبئی میں پاکستانی قونصل

خانے میں موجود افراد کی مدد سے پاکستان اسمگل کیا گیا۔دوسری جانب اداکارہ

وینا ملک نے سابق شوہر اسد خٹک کے تمام تر الزامات کی تردید کی اور اپنے

ٹوئٹر اکاؤنٹ سے دستاویز بھی شیئر کیں اور بتایا کہ قانون اور شریعت کی رو سے

25 ستمبر 2019 سے بچوں کی سرپرستی میرے پاس ہے۔خیال رہے کہ وینا ملک

نے 2013 میں اسد خٹک سے شادی کی تھی اور ان کے دو بچے ہیں جب کہ

انہوں نے 2018 میں اسد خٹک سے خلع لے لی تھی۔

وینا ملک آڈیو وائرل

صدارتی امیدوار جو بائیڈن نے ٹی وی مباحثے میں ٹرمپ کو ’مسخرہ‘ کہہ دیا

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں