40

سوڈان سے مصالحت کے بعد پابندیاں ختم کرنے کو تیارہیں، امریکا

Spread the love

خڑطوم (صرف اردو آن لائن نیوز) سوڈان سے مصالحت

امریکی وزیر خارجہ مائیک پومپیو نے کہا ہے کہ ان کا ملک دارفر کے تنازع پر

سوڈان کے خلاف اقوام متحدہ کی عاید کردہ پابندیاں ختم کرانے کو تیار ہے کیونکہ

اب سوڈان کی موجودہ حکومت کے دارفر کے باغی گروپوں سے مفاہمتی

سمجھوتوں کے بعد وہاں امن قائم ہوچکا ہے۔عرب ٹی وی کے مطابق مائیک پومپیو

کا کہنا تھا کہ سوڈان کی نئی حکومت نے دارفر سمیت ملک کی جنوبی ریاستوں

میں انسانی حقوق کی صورت حال میں نمایاں بہتری لائی ہے اور وہاں حالات کی

مزید بہتری کے لیے اقدامات کیے جارہے ہیں۔انھوں نے ایک بیان میں کہا کہ

امریکا سوڈانی حکومت کے ساتھ کام کرنے کے لیے پرعزم ہے۔ہم اپنے بین

الاقوامی شراکت داروں کے ساتھ بھی مل کر کام کریں گے کہ دارفر کے تنازع کے

تعلق سے سوڈان پر عاید کردہ عالمی ادارے کی پابندیوں کو کیسے جلد سے جلد

ختم کرایا جاسکتا ہے۔ان کا کہنا تھا کہ اس مقصد کے پیش نظر ہم نے پہلے ہی اقوام

متحدہ میں مشاورت شروع کررکھی ہے۔سوڈان کی نئی حکومت نے ایک ماہ قبل

دارفر اور دوجنوبی ریاستوں بلیو نیل اور جنوبی کردفان میں برسرپیکار باغی

گروپوں کے ساتھ تاریخی سمجھوتوں پر دست خط کیے تھے۔ان کے تحت سوڈان

کی مرکزی حکومت ان ریاستوں میں تعمیر وترقی کے منصوبوں پر عمل درآمد

کرے گی،مقامی لوگوں کو سرکاری ملازمتیں دی جائیں گی اور ان کے باقی

مطالبات کو تسلیم کیا جائے گا

سوڈان سے مصالحت

صدارتی امیدوار جو بائیڈن نے ٹی وی مباحثے میں ٹرمپ کو ’مسخرہ‘ کہہ دیا

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں