54

آذر بائیجان اور آرمینیا جنگ بندی پر متفق

Spread the love

واشنگٹن(صرف اردو آن لائن نیوز) جنگ بندی پر متفق

امریکی محکمہ خارجہ نے اعلان کیا ہے کہ آرمینیا اور آذربائیجان نے پیر کے

روز ایک بار پھر واشنگٹن میں مذاکرات کے بعد ناگورنو کاراباخ خطے میں انسانی

بنیادوں پرجنگ بندی پر اتفاق کیا ہے۔میڈیارپورٹس کے مطابق اسسٹنٹ سکریٹری

خارجہ اسٹیفن بیگن نے دونوں ممالک کے وزرائے خارجہ سے ملاقات کی۔

امریکی محکمہ خارجہ کے مطابق ایک بیان میں انہوں نے مزید کہا کہ یہ انسانی

بنیادوں پر جنگ بندی 26 اکتوبر کو مقامی وقت کے مطابق 8:00 بجے نافذ العمل

ہوگئی ہے۔ایک علیحدہ بیان میں او ایس سی ای منسک گروپ جو اس تنازع میں

ثالثی کے لیے فرانس، روس اور امریکا کی سربراہی میں تشکیل دیا گیا تھا نے کہا

کہ وہ ناگورنو کاراباخ مسئلے پر بات کرنے کے لیے 29 اکتوبر کو ایک بار پھر

ملاقات کرے گی۔امریکی وزیر خارجہ مائیک پومپیو نے جمعہ کے روز آرمینیا اور

آذربائیجان کے وزرائے خارجہ سے علیحدہ علیحدہ ملاقات کی تھی۔ بات چیت میں

دونوں ملکوں کے درمیان جاری محاذ آرائی روکنے پر بات چیت کی گئی تھی۔

خیال رہے کہ روسی صدر نے کہا تھا کہ ایک ماہ سے جاری لڑائی میں آرمینیا اور

آذر بائیجان میں کم سے کم پانچ ہزار افرادہلاک ہوچکے ہیں۔آذربائیجان کی وزارت

دفاع نے اعلان کیا کہ آرمینیا نے اغدام، تارتار اور اغجبادی میں آذربائیجان کے

رہائشی علاقوں پر بمباری کی ہے جب کہ آذربائیجان کے علاحدگی پسند خطے میں

وزارت دفاع نے الزام لگایا تھا کہ اس نے اپنی فورسز کے ٹھکانوں پر بمباری کی

تھی، جس کے نتیجے میں 11 افراد ہلاک ہو گئے تھے۔ پچھلے ستمبر میں لڑائی

شروع ہونے کے بعد آذر بائیجان میں ہلاکتوں کی تعداد 974 ہوگئی ہے۔

جنگ بندی پر متفق

صدارتی امیدوار جو بائیڈن نے ٹی وی مباحثے میں ٹرمپ کو ’مسخرہ‘ کہہ دیا

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں