57

افغانستان میں امریکا کو انتہائی مطلوب القاعدہ رہنما محسن المرسی ہلاک

Spread the love

کابل /واشنگٹن(صرف اردو آن لائن نیوز) محسن المرسی ہلاک

افغان صوبے غزنی میں کئے گئے ایک خصوصی آپریشن کے دوران انتہائی

مطلوب القاعدہ رہنما محسن المرسی کو ہلاک کردیا گیا ہے۔ افغانستان کے نیشنل

ڈائریکٹوریٹ آف سیکیورٹی (این ڈی ایس)کی جانب سے کی گئی ٹوئٹ کے مطابق

افغان صوبے غزنی میں ایک خصوصی آپریشن میں کیا گیا، جس میں القاعدہ رہنما

محسن المرسی ہلاک ہوگئے ہیں۔ محسن المرسی کو القاعدہ کا اہم لیڈر سمجھا جاتا

تھا، ان کا نام امریکی فیڈرل بیورو آف انویسٹی گیشن (ایف بی آئی) کی انتہائی

مطلوب دہشت گردوں کی فہرست میں شامل تھا۔ امریکی نیشنل کانٹر ٹیررازم سینٹر

کے سربراہ کرس ملر نے بھی محسن المرسی کی ہلاکت کی تصدیق کی ہے ،

انہوں نے اپنے بیان میں کہا ہے کہ محسن المرسی کی ہلاکت القاعدہ کے لیے بڑا

دھچکہ ہے۔ محسن المرسی مصر کے شہری ہیں اور انہیں حسمان عبدالروف بھی

کہا جاتا ہے۔ محسن المرسی کو القاعدہ کا اہم لیڈر سمجھا جاتا تھا، امریکا نے محسن

المرسی کو غیر ملکی دہشت گرد تنظیموں کی مدد کرنے اور امریکی شہریوں کو

قتل کرنے کی سازش کا مورد الزام ٹھہرایا گیا تھا۔

صدارتی امیدوار جو بائیڈن نے ٹی وی مباحثے میں ٹرمپ کو ’مسخرہ‘ کہہ دیا

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں