45

آپ سکون سے مریں، باقی کام ہمارا

Spread the love

قاہرہ (صرف اردو آن لائن نیوز ) آپ سکون سے مریں

مصر میں کچھ لوگوں نے مل کر ایک ایسی کمپنی قائم کی ہے جو فوت ہونے والے

لوگوں کی آخری رسومات کے انتظامات، کفن دفن، اخبارات میں فوتیدگی کے

اشتہارات جاری کرنے، تعزیتی کیمپ اور تقریبات کا انعقاد، قبر کی کھدائی،

جنازوں کا اہتمام اور فوت ہونے والے شخص کے لواحقین کے ساتھ ہمدردی کے

اظہار جیس خدمات معاوضے کے عوض فراہمی کا کام کر رہی ہے۔میڈیارپورٹس

کے مطابق کمپنی نے ”آپ نے زندگی میں ان کی عزت واحترام کیا اور ہم ان کے

مرنے کے بعد ان کا اکرام کر رہے ہیں”کا سلوگن اپنایا گیا ہے۔ یہ کمپنی مصر کے

چند نوجوانوں نے مل کر تشکیل دی ہے۔منفرد کمپنی کے شریک بانی احمد جاب االلہ

نے بتایا کہ ان کی کمپنی جنازوں کو غسل دینے، کفنانے، دفن کے انتظامات کرنے

کے ساتھ ساتھ تعزیتی پروگرام منعقد کرنے اور فوت ہونے والے شخص کے

ایصال ثواب کے لیے دیئے جانے والے صدقات وخیرات کو مستحق لوگوں تک

پہنچانے کی ذمہ داری انجام دیتی ہے۔ایک سوال کے جواب میں احمد جاب اللہ کا کہنا تھا کہ انہیں جنازوں کے انتظامات کے لیے کمپنی بنانے کا خیال سنہ

2005 میں اس وقت آیا جب ان کے ایک دوست کے والد انتقال کر گئے اور فوتگی

کے بعد انہیں اور ان کے خاندان کو میت کو غسل دینے اور دیگر امور کی انجام

دہی میں مشکلات کا سامنا کرنا پڑا۔ان کا مزید کہنا تھا نے کہا کہ انہوں سات سال

پیشتر اپنے چند دوستوں کے ساتھ مل کر یہ کمپنی قائم کی۔انہوں نے پیشہ وارانہ

بنیادوں پر میتوں کی آخری رسومات کے انتظامات سنھبالے۔ جاب اللہ کا کہنا تھا کہ

اس نوعیت کی کمپنیاں اور ٹیمیں کئی ممالک میں قائم ہیں۔جاب اللہ کا کہنا تھاکہ ان

کی کمپنی اب تک 340 مردوں کی تدفین کے انتظامات میں ان کے لواحقین کی مدد

کر چکی ہے۔ایک سوال کے جواب میں جاب اللہ کا کہنا تھا کہ ان کا مشن بلا تفریق

اور بلا امتیاز شہریوں کو تدفین کی سہولت فراہم کرنا ہے۔ اگر کسی میت کے

لواحقین کو نماز جنازہ کے لیے کسی عالم دین کی تلاش میں مشکل کا سامنا ہوتو وہ

جنازے کے لیے پیش امام یا عیسائی ربی کا اہتمام کرتے ہیں۔ کئی خاندانوں کو

قبرستان میں قبر کی جگہ کے حصول میں مشکل پیش آتی ہے۔ وہ لوگوں کو قبر کی

جگہ کے حصول میں بھی مدد کرتے ہیں۔

آپ سکون سے مریں

صدارتی امیدوار جو بائیڈن نے ٹی وی مباحثے میں ٹرمپ کو ’مسخرہ‘ کہہ دیا

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

اپنا تبصرہ بھیجیں