منتظمین ٹی ٹوئنٹی مینز ورلڈ کپ2020 شیڈول کے مطابق منعقد کروانے کیلئے پرعزم

Spread the love

کورونا وائرس کی وجہ سے طویل المدتی کسی بھی قسم کا کوئی فیصلہ کرنا دشوار ہے، اسلئے ٹی 20ورلڈ کپ کے شیڈول میں فی الحال کوئی تبدیلی نہیں کررہے ، کرکٹ آسٹریلیا
سڈنی(سپورٹس رپورٹر)آئی سی سی اور آسٹریلین کرکٹ بورڈ ٹی ٹوئنٹی مینز ورلڈ کپ شیڈول کے مطابق منعقد کروانے کیلئے پرعزم ہیں،میگا ایونٹ کیلئے ٹکٹوں کی فروخت کا سلسلہن جاری ہے۔ منتظمین نے واضح کیاکہ ایونٹ بدستور18اکتوبر سے15نومبر تک آسٹریلیا میں ہی کھیلا جائے گا۔آئی سی سی مینز ٹوئنٹی20ورلڈ کپ میں پری کوالیفائنگ رانڈ جیلونگ اور ہوبارٹ میں18سے23اکتوبر تک منعقد ہوگا،مین12ٹیموں کا ایونٹ24اکتوبر سے شیڈول ہے، ابتدائی روز سڈنی میں آسٹریلیا اور پاکستان جبکہ پرتھ میں بھارت اور جنوبی افریقہ کا مقابلہ ہوگا۔اس وقت دنیا بھر کو کورونا وائرس کی وبا نے لپیٹ میں لے رکھا ہے، فوری طور پر بیشتر اسپورٹس ایونٹ ملتوی یا منسوخ کیے جا چکے،ایسے میں آئی سی سی اور مقامی آرگنائزنگ کمیٹی نے مینز ٹی20ورلڈ کپ کے شیڈول میں فوری طور پر کسی بھی قسم کی چھیڑ چھاڑ نہ کرنے کا فیصلہ کیا ہے۔

ایونٹ کیلیے ٹکٹوں کی فروخت گذشتتہ برس اکتوبر سے جاری اور وہ بدستور آفیشل ویب سائٹ پر دستیاب ہیں۔آئی سی سی نے اعلامیے میں کہاکہ آرگنائزنگ کمیٹی شائقین اور اسٹیک ہولڈرز کو تازہ ترین صورتحال سے آگاہ کرتی رہے گی۔ادھر کرکٹ آسٹریلیا کے چیف ایگزیکٹیو کیون روبرٹس نے کہاکہ کورونا وائرس کی وجہ سے طویل المدتی کسی بھی قسم کا کوئی فیصلہ کرنا دشوار ہے، اس لیے ہم ٹی 20 ورلڈ کپ کے شیڈول میں فی الحال کوئی تبدیلی نہیں کررہے بلکہ شیڈول پر ہی انعقادکیلیے پراعتماد ہیں، تیاریاں جاری رہیں گی اور ہم 15 نومبر کو میلبورن کرکٹ گرانڈ میں فائنل کے موقع پر ہاس فل کراؤڈ کیلئے بھی پرعزم ہیں۔انھوں نے کہا کہ ہم میں سے کوئی بھی اتنا ماہر نہیں جو دور تک دیکھ سکے، اس لیے ہم پرامید ہیں کہ اکتوبر،نومبر تک صورتحال معمول پر آچکی ہوگی۔

ٹوئنٹی مینز ورلڈ کپ2020

ٹوئنٹی مینز ورلڈ کپ2020

اس خبر پر اپنی رائے کا اظہار کریں

اپنا تبصرہ بھیجیں