110

ہندوستانی مسلمانوں کو جرمنی میں یہودیوں کی طرح چن چن کر نشانہ بنایا جائے گا مارکنڈے کاٹجو

Spread the love

بی جے پی اپنی ناکامیوں اور خرابیوں اور معاشی بحران سے نمٹنے کے لئے یہ حربے اختیار کرے گی

بھارت کی معاشی حالت بد سے بدتر ہوتے جارہی ہے اور اس کا غصہ مسلمانوں پر نکالا جائے گا

کولکتہ(کے پی آئی) نئی دہلی ہائی کورٹ کے سابق چیف جسٹس مارکنڈے کاٹجو نے خبردار کیا کہ ہندوستانی مسلمانوں کو جرمنی میں یہودیوں کی طرح چن چن کر نشانہ بنایا جائے گا ۔ بی جے پی اپنی ناکامیوں اور خرابیوں سے پیدا ہونے والی معاشی بحران سے نمٹنے کے لئے یہ حربے اختیار کرے گی ۔ ملک کی معاشی حالت بد سے بدتر ہوتے جارہی ہے اور اس کا غصہ مسلمانوں پر نکالا جائے گا ۔جسٹس مارکنڈے کاٹجو نے کہا کہ مغربی بنگال میں بی جے پی کے پروپگنڈہ کی وجہ سے بنگالی ہندو بھی فرقہ پرست سوچ کا شکار ہوگئے ہیں ۔

ٹوئیٹر پر اپنے سلسلہ وار پیامات میں جسٹس کاٹجو نے کہا کہ چیف منسٹر مغربی بنگال و ترنمول کانگریس سربراہ ممتابنرجی کی مسلم خوشنودی پالیسی سے بھی ماحول بگڑرہا ہے ۔ میری معلومات کے مطابق بنگالی ہندوں کی بڑی تعداد بی جے پی کے پروپگنڈہ اور ممتابنرجی کی مسلمانوں کو رجھانے کے لئے تیار کردہ پالیسیوں سے فرقہ پرستانہ سوچ کا شکار ہورہی ہے ۔ این آر سی کے بارے میں انہوں نے ٹوئیٹ کیا کہ ہندوستان میں رہنے والے 92 تا 94 فیصد افراد ہندوستان کے اصل متوطن نہیں ہیں بلکہ یہ تمام ایمگرینٹس ہیں ۔ بہ الفاظ دیگر یہ گھسپٹے یا درانداز ہیں اور انہیں وہاں بھیج دیا جائے جہاں سے وہ آئے ہیں ۔ جسٹس مارکنڈے کاٹجو نے خبردار کیا کہ ہندوستانی مسلمانوں کو جرمنی میں یہودیوں کی طرح چن چن کر نشانہ بنایا جائے گا ۔ بی جے پی اپنی ناکامیوں اور خرابیوں سے پیدا ہونے والی معاشی بحران سے نمٹنے کے لئے یہ حربے اختیار کرے گی ۔ ملک کی معاشی حالت بد سے بدتر ہوتے جارہی ہے اور اس کا غصہ مسلمانوں پر نکالا جائے گا

اپنا تبصرہ بھیجیں