167

عمران خان اورملالہ دنیا میں سب سے زیادہ پسند کیے جانیوالے افراد میں شامل

Spread the love

لندن(مانیٹرنگ ڈیسک) وزیراعظم عمران خان اور نوبل انعام یافتہ ملالہ یوسف

زئی رواں سال سب سے زیادہ پسند کیے جانے والے افراد کی فہرست میں شامل

ہوگئے ہیں۔برطانوی گلوبل پبلیکیشن یوگوو نے حال ہی میں ان افراد کی فہرست

جاری کی ہے جنہیں 2019 میں سب سے زیادہ پسند اور سراہا گیا،اس فہرست

میں وزیراعظم عمران خان اور نوبل انعام یافتہ ملالہ یوسف زئی بھی شامل ہیں۔

فہرست میں مردوں میں پہلے نمبر پر بل گیٹس، دوسرے پر باراک اوباما، تیسرے

پر چینی اداکار جیکی چن، چوتھے پر چینی صدر شی چن پنگ اورپانچویں نمبر

پر چینی بزنس مین جیک ما شامل ہیں۔فہرست میں چھٹے نمبر پر بھارتی

وزیراعظم نریندر مودی اور بارہویں پر بالی ووڈ اداکار امیتابھ بچن شامل ہیں جب

کہ وزیر اعظم عمران خان کا فہرست میں 17واں نمبر ہے۔یوگوو کی جانب سے

جاری کردہ سب سے زیادہ پسند کی جانے والی خواتین کی فہرست کے مطابق

مشیل اوباما پہلے اورملالہ یوسف زئی چھٹے نمبر پر شامل ہیں۔یو گوو پبلیکیشن

کی جانب سے کیے جانے والے آن لائن انٹرویو میں 35 ممالک کے تقریبا 37

ہزار افراد نے حصہ لیا اوردنیا بھر سے اپنی پسندیدہ شخصیت کے لیے ووٹ کیا۔

اس فہرست میں دنیا بھر میں پسند کیے جانیوالے 20مرد اور 20خواتین شامل ہیں۔



اپنا تبصرہ بھیجیں