88

وادی نیلم’ سیلاب میں بہہ جانے والے مزید 3 افراد کی لاشیں مل گئیں، ریسکیو آپریشن جاری

Spread the love

سیلابی ریلے میں بہہ جانے والے 19 افراد تاحال لاپتہ ہیں، تلاش کے لیے ریسکیو آپریشن جاری ہے،ایمرجنسی کنٹرول روم

ضلعی انتظامیہ کی دریائے نیلم میں پانی کی سطح میں اضافے کی وجہ سے عوام کو دریا سے دور رہنے کی ہدایت

ریسکیو اور ریلیف آپریشن کے لیے مزید ٹیموں کو روانہ کردیا گیا ، بے گھر خاندانوں کو محفوظ مقامات پرمنتقل کرنے کا سلسلہ بھی جاری

مظفر آباد(صباح نیوز) وادی نیلم میں سیلابی ریلے میں بہہ جانے والے 3 افراد کی لاشیں مل گئی ہیں جبکہ مزید افراد کی تلاش کے لیے ریسکیو آپریشن جاری ہے۔وادی نیلم میں لیسوا کے مقام پر سیلابی ریلے میں بہہ جانے والے 3 افراد کی لاشیں نکال لی گئی ہیں جبکہ مزید افراد کی تلاش کے لیے ریسکیو آپریشن جاری ہے،

ایمرجنسی کنٹرول روم کے مطابق سیلابی ریلے میں بہہ جانے والے 19 افراد تاحال لاپتہ ہیں۔ضلعی انتظامیہ نے دریائے نیلم میں پانی کی سطح میں اضافے کی وجہ سے عوام کو دریا سے دور رہنے کی ہدایت کی ہے۔ دوسری جانب ریسکیو اور ریلیف آپریشن کے لیے مزید ٹیموں کو روانہ کردیا گیا ہے جبکہ بے گھر ہونے والے خاندانوں کو محفوظ مقامات پرمنتقل کرنے کا سلسلہ بھی جاری ہے۔واضح رہے کہ گزشتہ روز وادی نیلم میں لیسوا کے مقام پر طوفانی بارش اور سیلابی ریلے نے تباہی مچادی تھی جس کے نتیجے میں 28 افراد جاں بحق اور درجنوں لاپتا ہوگئے تھے۔

اپنا تبصرہ بھیجیں