امریکا خلیجی پانیوں کے تحفظ کیلئے اتحاد چاہتا ہے، جنرل ڈنفورڈ

Spread the love

واشنگٹن (انٹرنیشنل ڈیسک)امریکی چیئرمین آف جوائنٹ چیفس آف اسٹاف جنرل جوزف ڈنفورڈ نے کہا ہے کہ امریکہ خلیجی پانیوں کے تحفظ کے لیے اتحاد چاہتا ہے۔ جنرل ڈنفورڈ نے ایک بیان میں کہا ہے کہ آبنائے ہرمز اور باب المندب میں آزادانہ نقل و حرکت کے لیے متعدد ممالک سے گفتگو کر رہے ہیں۔

انہوں نے مزید کہا کہ آئندہ چند ہفتوں میں یہ واضح ہو جائے گا کہ کون سیاسی طور پر امریکہ کے فیصلے کی حمایت کرے گا؟۔ جنرل ڈنفورڈ نے یہ بھی کہا کہ امریکہ خلیجی پانیوں کے تحفظ کے لیے خواہش مند ممالک کے ساتھ مل کر عسکری صلاحیتیں مجتمع کرے گا۔

واضح رہے کہ اس سے قبل امریکی وزیر خارجہ مائیک پومپیو نے امید ظاہر کی تھی کہ 20 سے زائد ممالک میری ٹائم سیکیورٹی کے لیے مل کر کام کریں گے۔

Leave a Reply