کرکٹ ورلڈکپ 2019، آسٹریلیا نے پاکستان کو 41 رنز سے شکست دے دی۔

Spread the love

ٹاؤنٹن (سپورٹس رپورٹر) آسٹریلیا کے 308 رنز کے جواب میں پاکستان کی

پوری ٹیم 266 رنز پرآوٹ ہوگئی، ہدف کے تعاقب میں قومی ٹیم کا آغاز اچھا نہ

تھا، صرف 2 رنز پر پاکستان کی پہلی وکٹ گری فخر زمان صفر پر پویلین لوٹ

گئے،جس کے بعد امام الحق اور بابر اعظم نے ذمہ دارانہ انداز میں اننگز کو آگے

بڑھایا تاہم بابر اعظم 56 کے مجموعے پر آوٹ ہوئے، انہوں نے 30 رنز بنائے

جس میں 7 چوکے بھی شامل تھے۔امام الحق اور محمد حفیظ کے درمیان 80 رنز

کی پارٹنرشپ ہوئی اور اس دوران امام الحق نے نصف سنچری اسکور کی تاہم وہ

136 کے مجموعی اسکور پر 53 رنز بنا کر کیچ آؤٹ ہوگئے جب کہ 10 رنز

کے اضافے سے محمد حفیظ بھی چلتے بنے، انہوں نے 46 رنز بنائے۔ شعیب

ملک صفر پر کیچ آؤٹ ہوگئے۔ 160 کے مجموعے پر آصف علی 5 رنز بنا

کر سرفراز احمد کا ساتھ چھوڑ گئے۔حسن علی نے سرفراز احمد کے ساتھ مل کر

اسکور میں 40 رنز کا اضافہ کیا اور وہ 32 رنز بنا کرآوٹ ہوئے۔ وہاب ریاض

نے کپتان کا بھرپور ساتھ دیا اور 64 رنز جوڑ کر ٹیم کو میچ میں واپس لانے میں

اہم کردار ادا کیا تاہم وہ 45 رنز بنا کر آؤٹ ہوئے جس کے بعد محمد عامر بغیر

کھاتہ کھولے بولڈ ہوگئے۔اس سے قبل پاکستان نے آسٹریلیا کے خلاف ٹاس جیت

کر پہلے فیلڈنگ کا فیصلہ کیا، آسٹریلیا کی جانب سے اننگز کا آغاز ایرون فنچ اور

ڈیوڈ وارنر نے کیا۔ دونوں اوپنرز نے اننگز کا آغاز پر اعتماد اور جارحانہ انداز

میں کیا اور 146 رنز کی اوپننگ شراکت قائم کی۔ایرون فنچ نے 84 گیندوں پر

82 رنز بنائے تاہم محمد عامر کی گیند پر وہ محمد حفیظ کو کیچ دے بیٹھے، ون

ڈاؤن آنے والے اسٹیو اسمتھ نے 10 رنز بنائے تاہم وہ حفیظ کی گیند پر آصف علی

کو کیچ دے بیٹھے، آسٹریلیا کے تیسرے آؤٹ ہونے والے کھلاڑی گلین میکسویل

تھے انہوں نے صرف 20 رنز بنائے جب کہ اوپننگ کے لیے آنے والے ڈیوڈ

وارنر نے شاندار کھیل کا مظاہرہ کیا اور سنچری اسکور کی، ڈیوڈ وارنر 107

رنز بنانے کے بعد شاہین آفریدی کا شکار بنے۔40 ویں اوورز کے بعد پاکستانی

بولرز نے شاندار بولنگ کا مظاہرہ کیا اور آسٹریلوی کھلاڑیوں کو کھل کر کھیلنے

کا موقع فراہم نہیں کیا، شان مارش نے 23 اور عثمان خواجہ نے 18 رنز بنائے

تاہم محمد عامر نے دونوں کھلاڑیوں کو پویلین کی راہ دکھائی، کولٹر نائل کو

صرف 2 رنز پر وہاب ریاض نے آؤٹ کیا۔ایک وقت پر ایسا لگ رہا تھا کہ

آسٹریلیا 350 سے زائد رنز کا ہدف دینے میں کامیاب ہوجائے گا تاہم محمد عامر

نے شاندار بولنگ کا مظاہرہ کرتے ہوئے 5 آسٹریلین کھلاڑیوں کو پویلین کی راہ

دکھائی جس کی بدولت آسٹریلیا کی پوری ٹیم 49 اوورز میں 307 رنز بناکر آؤٹ

ہوگئی۔

Please follow and like us:

Leave a Reply