ایران کے صدر حسن روحانی کا ترک ہم منصب رجب طیب اردوغان کیساتھ ٹیلی فونک رابطہ

Spread the love

ٹیلی فونک رابطے کے دوران دونوں ممالک کے صدور کا مختلف شعبوں میں باہمی تعلقات کو مزید فروغ دینے پر اتفاق

ایران اور ترکی ایک دوسرے کیساتھ تعاون کے فروغ سے انسداد دہشتگردی اور خطے مین قیام امن و استحکام کے حوالے سے موثر کردار ادا کرسکتے ہیں،ترک صدر

تہران(صباح نیوز)اسلامی جمہوریہ ایران کے صدر حسن روحانی نے اپنے ترک ہم منصب رجب طیب اردوان

کیساتھ ٹیلی فونک رابطے میں عالم اسلام میں بحیثیت دو طاقتور اور موثر ملک کے ایران اور ترکی کے

درمیان تعاون کی توسیع کو علاقائی امن و استحکام کے فروغ میں اہم اور ضروری قراردیا۔اس موقع پر صدر

روحانی نے دونوں ملکوں کے درمیان اقتصادی تعلقات کے فروغ سمیت باہمی تجارتی لین دین کیلئے مقامی

کرنسی کے استعمال کی ضرورت پر زور دیا۔ انہوں نے سوڈان، لیبیا، یمن اور افغانستان میں نہتے لوگوں کے

قتل پرافسوس کا اظہار کرتے ہوئے کہا کہ ایران اور ترکی، خطے کے دیگر دوست اور اسلامی ممالک سے مل

کر اس خطرناک رویے کو ختم کرنے اورعالم اسلام کے مسائل کو حل کرنے میں تعاون کر سکتے ہیں۔

صدرمملکت نے خطے میں انسداد دہشتگردی اور مشترکہ سرحدوں میں سلامتی کے فروغ کے حوالے سے

ایران اور ترکی کے درمیان تعاون کی ضرورت پر زور دیا۔ اس موقع پر ترک صدر نے کہا کہ ایران اور ترکی

دو دوست اور بردار ممالک ہیں اور باہمی تعاون کا فروغ، دونوں ممالک سمیت خطے کے مفاد میں ہے۔انہوں

نے مختلف شعبوں بالخصوص معاشی شعبے میں دونوں ملکوں کے درمیان تعاون سمیت تجارتی لین دین کے

حوالے سے مقامی کرنسی کے استعمال پربھی زور دیا۔ترک صدر نے ایران مخالف امریکی پابندیوں کو ظالمانہ

قرار دیتے ہوئے کہا کہ ان کا ملک کبھی بھی ان پابندیوں کو تسلیم نہیں کرے گا۔رجب طیب اردوغان نے خطے

اور عالم اسلام کے مسائل کا ذکر کرتے ہوئے کہا کہ ایران اور ترکی ایک دوسرے کیساتھ تعاون کے فروغ

سے انسداد دہشتگردی اور خطے مین قیام امن و استحکام کے حوالے سے موثر کردار ادا کرسکتے ہیں۔

Please follow and like us:

Leave a Reply