179

امریکی فوج کی موجودگی امن کے لیے خطرہ ہے، ایران

Spread the love

وعدہ نہ نبھانے والوں سے مذاکرات کرینگے نہ جھکیں گے


 ایران کبھی بھی دبا ئوکے ذریعے مذاکرات کو نہیں مانے گا


تعلقات کا سلسلہ جاری رکھنے کا ذریعہ دھمکی نہیں   احترام  ہے ، غیرملکی میڈیا کو انٹرویو

تہران(صباح نیوز) ایران کے وزیر خارجہ جواد ظریف نے کہا ہے کہ امریکہ کا اپنی فوج مشرقی وسطی میں

منتقل کرنا بین الاقوامی امن کے لیے خطرہ ہے، امریکہ نے خطرناک کھیل کا آغاز کر دیا  ۔ ایرانی وزیر

خارجہ جواد ظریف نے غیر ملکی میڈیا کو انٹریو دیتے ہوئے کہا کہ ہمارے خطے میں بڑھتی ہوئی امریکی

موجودگی انتہائی خطرناک ہے جبکہ امن اور سلامتی کے پیش نظر اسے حل کرنا چاہیے۔جواد ظریف نے کہا

کہ جب تک امریکا جوہری معاہدے سے متعلق اپنے کیے گئے وعدوں پر عمل کرنے کے ذریعے ایران کا

احترام نہ کرے تب تک ہم امریکی صدر ڈونلڈ ٹرمپ کی انتظامیہ سے مذاکرات نہیں کریں گے۔انہوں نے کہا کہ

امریکا نے علاقے میں اپنی فوجی موجودگی کو تقویت دینے کے ذریعے ایک خطرناک کھیل کا آغاز کر دیا ہے

جبکہ امریکا کی جانب سے خلیج فارس میں طیارے بردار بحری بیڑے اور بمبار طیارے تعینات کرنا انتہائی

خطرناک ہے۔ایرانی وزیر خارجہ نے کہا کہ اس چھوٹے علاقے میں ان تمام فوجی ساز و سامان کو تعینات کرنا

خود حادثے کا باعث بن سکتا ہے جبکہ ایران کبھی بھی دبا ئوکے ذریعے مذاکرات کو نہیں مانے گا۔انہوں نے

کہا کہ ایران سے حسن سلوک پر مبنی اقدامات اٹھائے لیکن اب ہم وعدہ نہ نبھانے والوں سے مذاکرات نہیں

کریں گے اور نہ ہی ایرانی عوام جھکیں گے جبکہ تعلقات کا سلسلہ جاری رکھنے کا ذریعہ دھمکی دینا نہیں

بلکہ دوسروں کا احترام کرنا ہوتا ہے

اپنا تبصرہ بھیجیں