ملکی تاریخ میں پہلی مرتبہ سیمنٹ کی قیمت میں کئی سو روپے کمی

Spread the love

لاہور (مانیٹرنگ ڈیسک) مہنگائی طوفان تھمنا شروع ہوگیا ،ملکی تاریخ میں پہلی

مرتبہ سیمنٹ کی بوری کی قیمت میں ایک ساتھ کئی سو روپے کی کمی ہوگئی،

سیمنٹ ڈیلرزایسوسی ایشن کے مطابق سیمنٹ کی بوری کی قیمت620 سے کم ہو

کر450روپے کی ہوگئی، پہلی بار ہوا ہے سیمنٹ کی قیمت اس قدر کم ہوئی۔

تفصیلات کے مطابق پاکستان میں جاری مہنگائی کا طوفان کسی حد تک تھمنے

کی امید پیدا ہوگئی ہے۔بدھ کے روز ملک کی معیشت سے متعلق کئی اچھی خبریں

سامنے آئیں۔ ایک جانب پاکستان کی کرنسی مارکیٹ میں ڈالر کی قیمت میں کمی

دیکھنے میں آئی اور روپیہ تگڑا ہوا، وہیں پاکستان اسٹاک ایکسچینج میں بھی تین

ماہ کے بعد پہلی مرتبہ زبردست تیزی دیکھنے میں آئی۔ پاکستان اسٹاک ایکسچینج

میں ایک ہی روز کے دوران 1 ہزار سے زائد پوائنٹس کا اضافہ ریکارڈ کیا گیا۔

جبکہ بعد ازاں ایک اور اچھی خبر سعودی عرب کی جانب سے ادھار تیل کی

فراہمی کے اعلان کی صورت میں آئی۔ سعودی عرب نے پاکستان کو تیل سال

کیلئے 9 ارب ڈالرز سے زائد جبکہ سالانہ بنیادوں پر 3 ارب ڈالرز تک کا ادھار

تیل فراہم کرنے کا اعلان کیا ہے۔ اس خبر کے بعد معاشی ماہرین نے رائے دی

ہے کہ آنیوالے دنوں میں مہنگائی کے طوفان کے کسی حد تک تھمنے کی امید

ہے۔اس کا اثر دکھنا شروع ہو گیا ہے۔ سیمنٹ کی قیمتوں میں کمی کافائدہ صارفین

کوہوناچاہیے۔ طلب میں کمی ،سیمنٹ کمپنیوں میں مقابلے کے باعث سیمنٹ سستی

ہوا ہے۔



Please follow and like us:

Leave a Reply