گلگت بلتستان میں دہشت گردی کیلئے ’’را‘‘ کا منصوبہ بے نقاب

Spread the love

اسلام آباد (مانیٹرنگ ڈیسک) گلگت بلتستان میں دہشت گردی اور تخریب کاری

کیلئے انڈین خفیہ ایجنسی ’’را‘‘ کا منصوبہ بے نقاب ہو گیا ہے۔قوم پرست تنظیم

بالاورستان نیشنل فرنٹ اور حمید گروپ کا مقامی گروہ پکڑا گیا۔ ان گروپوں کے

14کارندے گرفتار کر کے بڑی تعداد میں اسلحہ اور گولہ بارود برآمد کر لیا گیا

ہے۔یہ قوم پرست تنظیم بھارتی خفیہ ایجنسی ’’را‘‘ کیلئے کام کرتی تھی۔ تنظیم کا

ہدف ملک کی مختلف یونیورسٹیز کے نوجوان تھے۔ تنظیم کا مقصد نوجوانوں کو

دہشت گردی کی طرف مائل کرنا تھا۔تنظیم کے چیئرمین عبدالحمید خان کو ’’را‘‘

1999ء میں بھارت لے گئی۔ عبدالحمید بھارت میں ’’را‘‘ ایجنٹس کرنل ارجن اور

جوشی کی زیر نگرانی رہا۔عبدالحمید کو دہلی کے ایک تھری سٹار اپارٹمنٹ میں

رکھا گیا۔ عبدالحمید کے 3 بیٹوں سمیت دیگر اہل خانہ کو بھی بھارت منتقل کیا

گیا۔’’را‘‘ نے عبدالحمید کو کاروبار چلانے کیلئے بھارتی شناختی دستاویز اور

سہولتیں دیں۔ عبدالحمید کے بیٹوں کے بھارت اور یورپ میں تعلیمی اخراجات

’’را‘‘ اٹھاتی رہی۔عبدالحمید 2007 ء میں بین الاقوامی فورم میں پاکستان مخالف

تقریر کیلئے برسلز گیا۔ بھارتی خفیہ ایجنسی نے گلگت بلتستان میں تنظیمی

سرگرمیوں کیلئے ایک ارب روپے دئیے۔



Please follow and like us:

Leave a Reply