مساجد پرحملے کو دہشتگردی نہ کہنا منافقت ، امریکی صحافی ٹرمپ پر برس پڑے

Spread the love

نیو یارک (مانیٹر نگ ڈیسک)نیوزی لینڈ میں مساجد پر حملے کی کھل کر مذمت نہ

کرنے پر ممتاز صحافی اور ٹی وی شو میزبان اینڈرسن کوپر امریکی صدر ڈونلڈ

ٹرمپ پر برس پڑے۔امریکی نیوز چینل سی این این پر اپنے شو میں اینڈرسن کوپر

کا کہنا تھا کہ سوشل میڈیا پر گردش کرتے حملہ آور کے منشور سے اس کے

دہشت گرد عزائم اور اقدامات واضح طور پر عیاں ہیں جس کے مطابق سفید فام

نسل کو مسلمانوں سے خطرہ لاحق ہے۔انہوں نے کہا کہ اس کے برعکس سین

برنینڈنو حملے کے فوری بعد ٹرمپ نے اسے انتہاپسند اسلامک دہشت گردی قرار

دیا تھا اور مسلمانوں کے امریکا داخلے پر پابندی کا اعلان کیا تھا۔ امریکی صدر

ڈونلڈ ٹرمپ کی جانب سے نیوزی لینڈ حملے کو دہشت گردانہ حملہ نہ کہنے پر ٹی

وی میزبان نے شدید تنقید کرتے ہوئے کہنا ہے کہ دہشت گردی کو دہشتگردی

کہے بغیر مذمت منافقت ہے اور اس حملے کو دہشت گردی نہ قرار دینا جاں بحق

مسلمانوں کی توہین ہے۔ان کا کہنا تھا کہ یہ تو ایسا ہی ہے کہ ہم کہیں کہ جیسے

کوئی کسی قدرتی آفت کے نتیجے میں جان کھو بیٹھا ہو۔امریکی صحافی نے سفید

فام قومیت پرستی کے وجود کو تسلیم کرنے اور اس سے نمٹنے کے لئے اقدامات

کرنے کی اہمیت پر زور دیا۔

اپنا تبصرہ بھیجیں