6 ماہ کے دوران جوتوں کی برآمدات میں 14.34 فیصد اضافہ

Spread the love

 رواں مالی سال 2018-19ءکی پہلی ششماہی میں جولائی تا دسمبر 2018ءکے دوران جوتوں کی قومی برآمدات میں 14.34 فیصد کا اضافہ ہوا ہے۔ ادارہ برائے شماریات پاکستان (پی بی ایس) کے اعدادوشمار کے مطابق جاری مالی سال کے ابتدائی چھ مہینوں میں جولائی تا دسمبر 2018ءکے دوران جوتوں کی برآمدات کا حجم 57.2 ملین ڈالر تک بڑھ گیا جبکہ گذشتہ مالی سال کے اسی عرصہ میں جولائی تا دسمبر 2017ءکے دوران برآمدات کا حجم 50.05 ملین ڈالر رہا تھا۔ اس طرح گذشتہ مالی سال کے مقابلہ میں جاری مالی سال کی پہلی ششماہی کے دوران جوتوں کی قومی برآمدات میں 7.15 ملین ڈالر یعنی 14.34 فیصد کا اضافہ ریکارڈ کیا گیا ہے۔

اپنا تبصرہ بھیجیں