ہمارے چند اراکین پارلیمنٹ ای سی ایل سے اتنے ڈرتے کیوں ہیں؟ عمران خان

Spread the love

وزیرِاعظم عمران خان نے کہا ہے کہ ہمارے چند اراکینِ پارلیمنٹ کو بیرون ملک جانے میں اتنی دلچسپی کیوں ہے، انہیں تو ابھی بہت کام کرنے ہیں۔

سماجی رابطے کی ویب سائٹ ٹوئٹر پر اپنے ایک پیغام میں وزیراعظم کا کہنا تھا کہ ہمارے کچھ اراکین پارلیمنٹ، ایگزٹ کنٹرول لسٹ (ای سی ایل) سے اتنے خوفزدہ کیوں ہیں اور یہ بیرون ملک جانے میں اتنی دلچسپی کیوں لے رہے ہیں؟

اپنے بیان میں وزیراعظم کا کہنا تھا کہ ملک سے باہر جانے والے رکن پارلیمنٹ کے ذمہ پاکستان میں کرنے کے لیے بہت سے کام ہیں۔

وزیرِاعظم عمران خان نے کہا کہ ایسے اراکین اسمبلی بھی ہیں جو ملک سے باہر جائے بغیر نہیں رہ سکتے جبکہ بعض نے تو بیرون ملک رہائشی اجازت نامے اور اقامے لیے ہوئے ہیں۔

اپنے ایک اور ٹوئٹ میں عمران خان نے سوال کیا کہ ایک جانب اراکین پارلیمنٹ پاکستان سے حقیقی عشق اور ملک کے لیے دن رات کام کرنے کے دعوے کرتے ہیں، کیا ان میں سے کوئی ملک سے باہر جانے کی عجیب و غریب رسم کی وضاحت کرسکتا ہے؟

اپنا تبصرہ بھیجیں