دلیپ کمار اور ان کی اہلیہ سائرہ بانو نے00 2کروڑ روپے ہرجانے کا دعویٰ دائر کیا ہے

Spread the love

بالی ووڈ کے لیجنڈ اداکار دلیپ کمار اور ان کی اہلیہ سائرہ بانو نے بھارتی بلڈر سمیر بھوجوانی کے خلاف 200 کروڑ روپے ہرجانے کا دعویٰ دائر کیا ہے۔سائرہ بانو کا کہنا ہے کہ بلڈرسمیر بھوجوانی ان کے پالی ہل والے بنگلے کے جعلی کاغذات بناکر ان کا حق چھیننا چاہتا ہے، اس کے علاوہ بھوجوانی نے لوگوں کے سامنے ان کی اور ان کے شوہر دلیپ کمار کی شخصیت کے تاثر کو خراب کرنے کی بھی کوشش کی ہے جس سے ان دونوں کو ذہنی اورجسمانی اذیت کاسامنا کرنا پڑا ہے۔ لہٰذا انہوں نے ایک تحریری نوٹس میں بھوجوانی پر 200 کروڑ روپے کے ہرجانے کے ساتھ اس سے معافی کا بھی مطالبہ کیاہے۔ یہ نوٹس بلڈر بھوجوانی کے 21 دسمبر 2018 کے نوٹس کے جواب میں دیاگیا ہے جس میں بھوجوانی نے خود کو 250 کروڑ کے بنگلے کا قانونی مالک ظاہر کیا تھا۔نوٹس میں مزید کہاگیا ہے کہ اگر 10 دن کے اندر 200 کروڑ روپے کی رقم ادا نہیں کی گئی تو بھوجوانی کے خلاف مجرمانہ کارروائی کے لیے شکایت درج کرائی جائے گی۔ سائرہ بانو نے گزشتہ برس 16 دسمبر کو بھی ٹوئٹر پر ایک پوسٹ کے ذریعے بھارتی وزیر اعظم نریندر مودی سے سمیر بھوجوانی کی دھمکیوں کے بعد ملنے کی خواہش کااظہار کیاتھا۔واضح رہے کہ دلیپ کمار نے 1953 میں اس بنگلے کی زمین ایک لاکھ 40 ہزار میں خریدی تھی، 2008 میں اس جگہ کی تزئین و آرائش کے لییرئیل اسٹیٹ فرم پراجیتا ڈیولپرز پرائیویٹ لمیٹڈ کے ساتھ کنٹریکٹ (معاہدہ)کیاگیا تاہم اس نے اس اراضی پر قبضہ کرلیا تھا۔

Please follow and like us:

اپنا تبصرہ بھیجیں