اماراتی فضائی کمپنی کا شام کے لیے فلائیٹ آپریشن کی بحالی پرغور

Spread the love

متحدہ عرب امارات کی ایک فضائی کمپنی ’’فلائی دبئی‘‘نے کہا ہے کہ کمپنی شام کے لیے کمرشل پروازوں کی بحالی کے حوالے سے جنرل سول ایوی ایشن اتھارٹی کے احکامات کی منتظر ہے۔کمپنی کے ترجمان کا کہنا ہے کہ متعلقہ حکام کی طرف سے اجازت ملنے کے بعد فلائی دبئی شام کے لیے اپنی پروازوں کو بحال کرنے کے لیے تیار ہے۔ ان کا کہنا تھا کہ شام کے ساتھ فضائی رابطوں کی بحالی کے امکانات بڑھ رہے ہیں۔ توقع ہے کہ عنقریب فلائی دبئی دمشق کے لیے اپنا فلائیٹ آپریشن دوبارہ شروع کر دے۔خیال رہے کہ شام میں 2011 کو حکومت کے خلاف شروع ہونے والی عوامی بغاوت کے بعد فلائی دبئی نے دمشق کے ساتھ اپنا فلائیٹ آپریشن روک دیا تھا۔

اپنا تبصرہ بھیجیں